Курьер гимназии №2 2020/2021 уч. год
Добры дзень, дарагія мае! Прызнаюся: я – збіральніца пазітыву. Яго шукаю заўсёды, ва ўсім, узрошчваю сама і вам раю: здорава дапамагае. Нават калі што-небудзь не ладзіцца, глядзіш – а вакол цябе рассыпаны, як бісер, харашынкі гэтага свету: запозненая восеньская кветка, серабрыстая павуцінка на стрыманым восеньскім сонцы, сямейка вераб’ёў пад страхой і іх гаспадарлівае чырыканнеJ Усмешка, камплімент, прыстойны ўчынак… Мір і лад у сям’і, стараннасць дзяцей… Гучыць па радыё любімая песня, добра падрыхтаваўся не самы дбалы вучань… Амаль увесь 11 клас атрымаў дзясяткі па кантрольным дыктанце!
І не кажыце мне, што шчасце – абсалютная велічыня і для яго патрэбна многае і адразу! Нягледзячы ні на што, насуперак усяму МОЖНА І ТРЭБА быць шчаслівым тут і зараз. Як кажа наша Раіса Іванаўна, “хочаш быць шчаслівым – будзь ім!” І ў гэтым нам дапамогуць маленькія, але штодзённыя залацінкі пазітыву. Давайце шукаць іх разам!
Сяклюцкая В.В.
Скачать или просмотреть этот номер газеты можно здесь